~Day
10~
7/4/2013
(Sunday) 晴
馬德里 --> Las Ventas 鬥牛場 (Plaza de Toros de Las Ventas) --> Bullfight 鬥牛
11:00 am
今日係旅程既最後一天, 訓到差唔多十一點, 好滿足...！
3:15 pm
隨便周圍行行, 然後就去左食 pizza...
5:00 pm
搭 metro 去 Ventas Station, 一出地鐵站就會見到非常著名既 Las Ventas 鬥牛場！
Las Ventas 鬥牛場 (Plaza de Toros de Las Ventas) 是西班牙最出名既鬥牛場, 位於馬德里東面, 有大約 25,000 個座位, 於 1931 年 6 月17日開始啟用。呢個鬥牛場由 Jose
Espeliu
設計, 係一座摩爾式建築。
一去到鬥牛場門外, 已有人問是否要 ticket ticket... 我地冇理, 照去售票處排隊買飛...
整個鬥牛場直徑約 65 米, 分開三個區域, 太陽位 (Sol), 半太陽位 (Sol y Sombra) 同陰暗位 (Sombra), 門票價格就視乎你揀既區域同行數啦... 想平可以揀太陽位, 即係面對太陽既座位, 我地都買左兩張太陽位, 每張 €13.4, 即係百幾蚊港紙就可以睇到咁精彩既西班牙國粹鬥牛表演, 都幾抵架！
鬥牛季節由每年既 3 月開始, 12 月結束。由於而家未算係旺季, 所以即場都仲有好多飛賣, 個場亦都坐唔滿既。如果大家想預早買定飛, 都可以透過網上預訂既。
6:00 pm
開始喇, 在樂隊演奏進行曲下, 鬥牛士開始依序進場。每場比賽共有三組表演者, 分別為鬥牛士 (Matador)、長槍手 (Picador) 和鏢槍手 (Banderillero)。
首先, 鬥牛士會以鮮艷既斗篷來挑釁牛隻, 以圖測試牛隻既速度、反應和身體狀況。
讓公牛在場上四周衝來衝去後, 長槍手便會騎著馬匹出場, 引誘公牛衝向馬的旁邊。長槍手騎住既馬匹穿上厚厚的保護衣, 眼睛被黑布遮掩, 防止牠看見公牛衝來時受驚。係公牛撞上馬匹前, 長槍手把長槍刺在牛的脖子上, 適當地減弱公牛的氣力, 令牠之後的衝刺垂下頭, 方便鬥牛士在最後時間給予致命一擊。
接著是鏢槍手出場, 佢會利用長度約 70 cm, 2 個一組既花式短槍黎突襲牛隻既背部...
終於輪到鬥牛表演既重頭戲, 左手拿著紅巾, 右手拿著長劍既鬥牛士登場。
鬥牛士拿著全紅色的斗篷和劍揮動, 吸引公牛衝過來, 鬥牛士引領著公牛向鬥牛士身邊的斗篷左衝右撲, 務求盡快消耗公牛的體力。這時公牛已經受過一定的傷害, 一場鬥牛精采與否, 除了鬥牛士的功力外, 公牛餘下的體力和鬥心也是決定性的因素。當公牛體力已幾乎消耗盡, 鬥牛士就看準機會, 用劍瞄準牛既肩甲骨之間約 5 cm 位置, 一口氣刺穿牛的心臟。
最後, 牛隻不支倒地, 鬥牛士嬴得掌聲, 牛隻卻結束左佢既一生。
殘忍的故事還沒有完結, 公牛倒下後, 鏢槍手會拿著短劍在公牛頭上向著大腦亂插多下, 確保公牛斷氣。接著工作人員出場, 拖著公牛的屍身繞場一周, 也清理一下鬥牛場上的血跡, 準備下一場已有勝負的鬥牛表演。
全晚共有六場表演, 表演完結之時, 共結束了六頭牛隻既性命...
鬥牛好看與否, 實屬見人見智... 係人們對鬥牛勇士既掌聲、喝采聲之中, 遇到不公平對待既牛隻或許已進入一個十分安詳既地方去了。
8:30 pm
搭 metro 回酒店。
9:15 pm
休息。
沒有留言:
發佈留言